Leys størv

Framleiðslutøkningur til MEST

Á skipasmiðjuni hjá MEST koyra vit á og hava nú brúk fyri einum framleiðslutøkningi, sum vil rokast saman við okkum.

Vit hava brúk fyri tær, sum kann:

·         tekna í 2D og 3D,

·         hava teknisk upplegg,

·         avgreiða ymsar uppmátingar,

·         gera skeri- og arbeiðstekningar.

Tað skalt eisini kunna standa fyri tilboðsgerð.

Um teg

Tú ert ein fínur problemloysari, dugir at optimera, sært dygdir í gomlum sum nýggjum og meistrar kunstin at velja ímillum. Tú ert fakliga væl fyri, og øll eru eisini samd um, at tú:

·         ert álítandi og fyrikomandi,

·         sært týdningin í góðsku og nærlagni,

·         kanst arbeiða undir trýsti og við fleiri tingum í senn.

Kunnleiki til skip, skipsbúnað og maskinur er ein fyrimunur, men ikki eitt krav.

Umsóknarfreistin er 21. juni 2024

Starvsstaðurin kann verða í Havn, á Skála ella í Runavík og verður starvið sett sum skjótast.

Gev gætur, at ein treyt við starvinum er, at tú kanst fara á arbeiðsrelaterað skeið uttanlands. Vilt tú vita meira um starvið, ring ella skriva til Sunvard á telefon 791230 ella á sj@mest.fo.

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.

Maskinverkfrøðingur til MEST 

Á skipasmiðjuni hjá MEST arbeiða vit av kraft og hava nú brúk fyri einum maskinverkfrøðingi, sum vil dríva á saman við okkum.

Vit hava brúk fyri tær, sum kann:

·       tekna í 2D og 3D,

·       gera uppmátingar og útrokningar,

·       standa fyri og avgreiða tilboðsarbeiði.

Tað er ábyrgd tín at tryggja, at alt arbeiði verður gjørt sambært galdandi reglum.

Um teg

Tú dugir tíni ting og hevur bæði hug og hegni at brúka tínar gávur. Tað sigst eisini, at tú:

·       ert álítandi og fyrikomandi,

·       sært týdningin í góðsku og nærlagni,

·       kanst arbeiða undir trýsti og við fleiri tingum í senn.

Kunnleiki til skip, skipsbúnað og maskinur er ein fyrimunur, men ikki eitt krav.

Umsóknarfreistin er 21. juni 2024

Starvsstaðurin kann verða í Havn, á Skála ella í Runavík, og verður starvið sett sum skjótast.

Vilt tú vita meira um starvið, ring ella skriva til Sunvard á telefon 791230 ella á sj@mest.fo. 

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.

Kranførari til MEST

MEST ger túsund ting, men okkum manglar ein kranførara til at hiva og heysa tey hagar, tey skulu. Hevur tú hug og vilt vera saman við røskum fólkum, smekka til og søk. Tað er brúk fyri tær!

Um arbeiðið

Sum kranførari verður tú rástyrkin á kaiini og tann, sum lyftir tey tungu tingini upp á pláss, so at dagurin og skipasmiðjan kunnu ganga sína leið. Tú fert at:

·         føra mobilkranan hjá MEST

·         viðlíkahalda krana og kranaútgerð

·         hava kekk uppá og skráseta viðlíkahald

·         vera við, tá ið skip vera tikin upp á beding

·         halda tað reint og ruddiligt uttan um teg og títt arbeiðspláss

Um teg

Tú ert hyggin og arbeiðir væl og vandaleyst. Tað er neyðugt, at tú:

·         hevur fyrilit

·         leggur dent á trygd

·         kanst meta um og taka avgerðir

·         ert væl fyri og sært og hoyrir væl

Tað er ein fyrimunur, um tú hevur koyrikort til lastbil, men ikki eitt krav. Tað er sjálvandi eisini ein fyrimunur, um tú hevur neyðug kranaskeið, men vit bjóða tær eisini viðkomandi skeið uttanlands.

Løn og annað

Lønin verður eftir avtalu.

Vilt tú vita meira um arbeiðið, ring ella skriva til Dánjal Jákup í Soylu, rakstrarleiðara, á telefon 791231 og á djs@mest.fo.

Søk áðrenn 17. juni 2024

Starvið verður sett skjótast til ber.

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.

Ert tú ein amboðsnørd?

MEST søkir eftir goymsluábyrgdara til amboðsgoymsluna í Havn.

Hjá MEST eru amboðini vissan fyri, at vit kunnu fremja tað í verki, sum viðskiftafólkinum tørvar. Amboðsgoymsla okkara má tí vera væl skipað, og amboðini í góðum standi. Sum tann, ið hevur ábyrgd av amboðsgoymsluni, ert tú ein lyklapersónur í virksemi okkara.

Í starvinum fert tú at

·         - røkja amboð og arbeiðsgoymslu,

·         - tryggja, at MEST altíð hevur røttu amboðini klár,

·         - samskipa uppgávur, tá ið lærlingar eru á amboðsgoymsluni,

·         - útflýggja, innheinta og skráseta amboð til starvsfólk og viðskiftafólk.

Vit ynskja, at tú

·         - ert opin og dugir væl at samskipa,

·         - hevur telduførleikar á brúkarastigi,

·         - ert framfýsin og vilt umsita amboðsgoymsluna við ágrýtni.

Tað er ein fyrimunur, um tú ert maskinsmiður ella hevur samsvarandi arbeiðsroyndir.

Vit bjóða tær

Eitt spennandi og fjølbroytt starv og arbeiðspláss, har trivnaður hevur stóran týdning, har viðurskiftini eru skipað og trygg, og har møguleikar eru at menna seg bæði fakliga og persónliga.

Løn

Lønin verður eftir royndum og førleikum.

Umsóknarfreistin er 10. mai 2024

Vilt tú vita meira um starvið, ring ella skriva til Dánjal Jákup í Soylu, Rakstrarleiðara, á telefon 791231 ella á djs@mest.fo

--

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.

Vilt tú læra, hvussu man kann tjena meira?

MEST søkir eftir lærlingi til goymsluna og sølubúðina í Havn.

Dámar tær sølu og tænastu? Vilt tú arbeiða í eini fyritøku, sum loysir stórar uppgávur, og har 70 onnur ung eru í læru?

Vælkomin á Team Mest

Her lærir tú týðandi handilsarbeiði, eitt nú at heinta inn tilboð, at samanbera prís og dygd, at keypa inn í hóskandi mongd, at víðariselja við vinningi og mangt annað. Í hvørjum liði kann peningur vera at vinna, um rætt verður arbeitt.

Læran hjá tær eitur logistikkatstøði og er ein handilsútbúgving við sergrein í logistikki.

Tú

·        ert ágrýtin,

·        tímir sera væl sølu og kundar,

·        hevur miðnámsútbúgving ella fært hana í summar.

Vit

·        eru eitt spennandi arbeiðspláss,

·        hava eitt gott sosialt umhvørvi,

·        bjóða góðar framtíðarmøguleikar.

Um lærutíðina

Lærutíðin er upp til tvey ár og seks mánaðir. Ein part av tíðini fært tú praktiska og neyva upplæring hjá MEST, eitt nú í vørum okkara, kundarøkt, søluteknikki og goymslu, og ein part ert tú á skúlabonki. Skúlagongdin er í Danmark.

Umsóknarfreistin er 10. mai 2024

Vilt tú vita meira um starvið, ring ella skriva til Eirik Joensen, goymsluleiðara, á telefon 791177 ella á eirikur.joensen@mest.fo.

--

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.