Leys størv

Varaleiðari til Tekni- og verkætlanarstovuna hjá MEST

Tað er nógv at gera hjá MEST, og tí søkja vit eftir tær, sum kann standa á odda fyri Tekni- og verkætlanarstovu okkara. Einum miðdepli, sum stingur út í kortið og samskipar uppgávur hjá fyritøkuni, og sum er álitið, tá ið tað kemur til prosjektering, tilboð, tekningar og verkætlanarleiðslu.

Sum varaleiðari á Tekni- og verkætlanarstovuni hevur tú tætt samskifti við onnur ábyrgdarfólk og aðrar deildir í fyritøkuni og við uttanhýsisveitarar og samstarvsfelagar.

Í starvinum fert tú at

·       taka inn og deila út uppgávur,

·       vera ein partur av sølustýringini,

·       góðskutryggja uppgávur og tilboð,

·       samskipa uppgávur millum deildir,

·       hava høvuðsábyrgd av ávísum verkætlanum.

Á Tekni- og verkætlanarstovuni starvast í løtuni fimtan røsk og dugnalig fólk.

Tú hevur hóskandi útbúgving

Vit ímynda okkum verkfrøði ella samsvarandi útbúgving/royndir. Vit síggja eisini fyri okkum, at tú:

·       kanst arbeiða skeivar tíðir,

·       hevur lætt at arbeiða við teldu,

·       dugir væl at tosa og skriva enskt,

·       ert ágrýtin, samskiftandi og málsøkin.

Fyrimunur er at hava kunnleika um tøkniliga skjalfesting og at hava sjóvinnuroyndir, herundir í alivinnuni.

Setanartreytir

Starvið verður sett sum skjótast, og lønin verður sambært avtalu. Arbeiðsstaðurin er í Havn og kann stundum eisini vera í Runavík og á Skála.

Umsóknarfreistin er 02. mei 2024

Vilt tú vita meira um starvið, ring ella skriva til Sunvard Joensen, leiðara á Tekni- og verkætlanarstovuni, á telefon 791230 ella á sunvard.joensen@mest.fo

--

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.

Ert tú ein amboðsnørd?

MEST søkir eftir goymsluábyrgdara til amboðsgoymsluna í Havn.

Hjá MEST eru amboðini vissan fyri, at vit kunnu fremja tað í verki, sum viðskiftafólkinum tørvar. Amboðsgoymsla okkara má tí vera væl skipað, og amboðini í góðum standi. Sum tann, ið hevur ábyrgd av amboðsgoymsluni, ert tú ein lyklapersónur í virksemi okkara.

Í starvinum fert tú at

·         - røkja amboð og arbeiðsgoymslu,

·         - tryggja, at MEST altíð hevur røttu amboðini klár,

·         - samskipa uppgávur, tá ið lærlingar eru á amboðsgoymsluni,

·         - útflýggja, innheinta og skráseta amboð til starvsfólk og viðskiftafólk.

Vit ynskja, at tú

·         - ert opin og dugir væl at samskipa,

·         - hevur telduførleikar á brúkarastigi,

·         - ert framfýsin og vilt umsita amboðsgoymsluna við ágrýtni.

Tað er ein fyrimunur, um tú ert maskinsmiður ella hevur samsvarandi arbeiðsroyndir.

Vit bjóða tær

Eitt spennandi og fjølbroytt starv og arbeiðspláss, har trivnaður hevur stóran týdning, har viðurskiftini eru skipað og trygg, og har møguleikar eru at menna seg bæði fakliga og persónliga.

Løn

Lønin verður eftir royndum og førleikum.

Umsóknarfreistin er 10. mai 2024

Vilt tú vita meira um starvið, ring ella skriva til Dánjal Jákup í Soylu, Rakstrarleiðara, á telefon 791231 ella á djs@mest.fo

--

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.

Hevur tú ordan í tingunum?

MEST søkir eftir fólki til goymsluna og sølubúðina í Havn.

Á goymsluni hjá MEST í Havn er ferð á. Her eru týðandi uppgávur at gera hvønn dag, og okkum tørvar tí eitt fólk, ið kann vera við at tryggja, at tingini verða sett á sína røttu hill.

Í starvinum fert tú at

·         - pakka,

·         - seta á hillar,

·         -  selja og vegleiða,

·         - finna fram umbidna vøru og útgerð,

·         - gera annað umráðandi goymsluarbeiði.

Tað er ikki neyðugt at hava útbúgving ella royndir í goymsluarbeiði, men tað er ein fyrimunur.

Vit bjóða

Eitt spennandi og fjølbroytt starv og arbeiðspláss, har trivnaður hevur stóran týdning, har viðurskiftini eru skipað og trygg, og har møguleikar eru at menna seg bæði fakliga og persónliga.

Løn

Lønin verður eftir royndum og førleikum.

Umsóknarfreistin er 10. mai 2024

Vilt tú vita meira um starvið, ring ella skriva til Eirik Joensen, goymsluleiðara, á telefon 791177 ella á eirikur.joensen@mest.fo.

--

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.

Vilt tú læra, hvussu man kann tjena meira?

MEST søkir eftir lærlingi til goymsluna og sølubúðina í Havn.

Dámar tær sølu og tænastu? Vilt tú arbeiða í eini fyritøku, sum loysir stórar uppgávur, og har 70 onnur ung eru í læru?

Vælkomin á Team Mest

Her lærir tú týðandi handilsarbeiði, eitt nú at heinta inn tilboð, at samanbera prís og dygd, at keypa inn í hóskandi mongd, at víðariselja við vinningi og mangt annað. Í hvørjum liði kann peningur vera at vinna, um rætt verður arbeitt.

Læran hjá tær eitur logistikkatstøði og er ein handilsútbúgving við sergrein í logistikki.

Tú

·        ert ágrýtin,

·        tímir sera væl sølu og kundar,

·        hevur miðnámsútbúgving ella fært hana í summar.

Vit

·        eru eitt spennandi arbeiðspláss,

·        hava eitt gott sosialt umhvørvi,

·        bjóða góðar framtíðarmøguleikar.

Um lærutíðina

Lærutíðin er upp til tvey ár og seks mánaðir. Ein part av tíðini fært tú praktiska og neyva upplæring hjá MEST, eitt nú í vørum okkara, kundarøkt, søluteknikki og goymslu, og ein part ert tú á skúlabonki. Skúlagongdin er í Danmark.

Umsóknarfreistin er 10. mai 2024

Vilt tú vita meira um starvið, ring ella skriva til Eirik Joensen, goymsluleiðara, á telefon 791177 ella á eirikur.joensen@mest.fo.

--

Vit eru MEST

Ein fyritøka á fimm hundrað hegnig fólk, sum hvønn morgun tørna til á føroyskum skipasmiðum og verkstøðum og í frálandavinnuni úti í heimi. Vit smíða og bøta um bátar og skip, tilevna tól úr klingandi stáli, skaffa nýtt fyri slitið og brotið og hiva og sleipa mangt less upp á pláss.

Vit eru í Havn, Runavík og á Skála, og hevur tú hug og hendur, kanst tú koma við.